Խորհուրդներ աթերոսկլերոզով հիվանդին

-Ինձ մոտ խոլեսթերինը շատ բարձր է (8-ից ավելի), բժիշկները վախեցնում են, որ ինձ սպառնում է հիպերտոնիա և տարբեր տհաճ հետևանքներ, ասենք` միոկարդի ինֆարկտ: Ինչ անել, որպեսզի իջեցնել խոլեսթերինի մակարդակն՝ առանց ստատիններ ընդունելու (դրանք շատ թանկ արժեն):

Ի.Հովհաննիսյան, ք.Երևան

- Խոլեսթերինի  մակարդակն արյան մեջ իջեցնելուն շատ են օգնում ստատինները, բայց դրանք, իրոք, շատ թանկ են: Սակայն բանն այն է, որ դրանք խոլեստերինի  մակարդակն իջեցնում են այն դեպքում, երբ մշտապես եք խմում: Երբ դադարեցնեք դեղահաբերի ընդունումը, խոլեստերինը նորից կբարձրանա և կհասնի առաջվա մակարդակին: Փորձեք սննդակարգ պահպանել, դա շատ կարևոր է: Անհրաժեշտ է սննդի օրակարգում կրճատել խոլեստերին պարունակող  կենդանական ծագման որոշ մթերքներ` սերուցքային կարագը փոխարինեք բուսական ձեթով, կարմիր միսը` թռչնի սպիտակ մսով, բացառել թթվասերն ու այլ կաթնամթերքը, շատ ուտել մրգեր և բանջարեղեն (նախընտրելի է հում վիճակում): Շաբաթը երկու անգամ կարելի է ձուկ ուտել: Խոլեստերինի մակարդակը կարելի է նաև իջեցնել բուսաբուժությամբ:

• Օրական երկու-երեք անգամ ուտելու ընթացքում, ընդունել 1ճաշի գդալ չոր, մանրացված ծովակաղամբ: Բուժման կուրսը 3-4 շաբաթ է, այնուհետև 10 օր ընդմիջում տալ և կուրսը նորից կրկնել:

• 1 ճաշի գդալ անթառամի ծաղիկների վրա լցնել 1,5 բաժակ եռացրած ջուր, թրմել 2 ժամ, քամել: Թուրմն ընդունել 1/4 բաժակ, օրը 2-3 անգամ, ուտելուց կես ժամ առաջ: Բուժման կուրսը 2 շաբաթ է, 10 օր  ընդմիջել այնուհետև  ևս 2 շաբաթ ընդունել:

Հարցեր, պատասխաններ, մեկնաբանություններ